As explosións da carga de sodio do Casón nas inmediacións da costa provocan unha grande alarma social entre a poboación das zonas próximas por medo a unha posible nube tóxica. Os veciños de Fisterra, Cee e Corcubión abandonan o lugar atemorizados. A pé, en vehículos propios e por medio de autobuses habilitados polo Goberno, marchan da Costa da Morte cara a diversos puntos do territorio galego.