Eleccións autonómicas Galicia 2005. Os candidatos á presidencia da Xunta exercen o seu dereito ao voto nos seus colexios electorais. En primeiro lugar, Emilio Pérez Touriño, candidato do Partido dos Socialistas de Galicia-PSOE (PSdeG-PSOE), achégase coa familia ao Campus Sur de Santiago de Compostela. O candidato do Bloque Nacionalista Galego (BNG), Anxo Quintana, vota nun colexio electoral de Allariz. Manuel Fraga Iribarne, presidente da Xunta e candidato polo Partido Popular de Galicia (PPdeG), exerce o seu dereito ao voto en Vilalba. Finalmente Iolanda Díaz, candidata de Esquerda Unida-Izquierda Unida (EU-IU), vota en Ferrol.
