Os alcaldes da Coruña e Betanzos e o gobernador civil da provincia suspenden a reunión cos comités de empresa de Sidegasa para despedir no aeroporto o vicepresidente do Goberno. Os traballadores de Sidegasa, inmersos nun grave conflito laboral, trasládanse entón de Curtis a Alvedro, onde rodean e zarandean o coche do vicepresidente, ocupan a pista e atrasan a saída do voo de Alfonso Guerra e da súa familia.