Novena lexislatura. Segundo mandato do presidente da Xunta Alberto Núñez Feijóo que toma posesión do seu cargo nun acto celebrado no salón dos Reis do Parlamento de Galicia. A vicepresidenta do Goberno de España, Soraya Saénz de Santamaría, e a presidenta do Parlamento, Pilar Rojo, presiden a toma de posesión á que ademais asisten a ministra de Fomento, Ana Pastor, e a muller do presidente Rajoy, Elvira Fernández Balboa. Os familiares do presidente da Xunta e os ex-presidentes do Goberno galego acompañan a Feijóo na cerimonia que finaliza co canto do himno galego interpretado pola gaiteira Susana Seivane e a cantante Rosa Cedrón.