Eleccións autonómicas de Galicia 2005. Os candidatos á presidencia da Xunta dos principais partidos son os protagonistas dos actos da apertura da campaña en diversos lugares da cidade de Santiago. Os socialistas convocan os seus militantes na praza Roxa, os nacionalistas reúnense nas Praterías e o PPdeG inicia a campaña desde un hotel. Pola súa banda Esquerda Unida, a única formación que mantén a tradición de pegar carteis, abre a súa campaña na praza de Cervantes.