Eleccións Autonómicas de Galicia 2001. Os candidatos á presidencia da Xunta, Manuel Fraga Iribarne, do Partido Popular de Galicia (PPdeG); Emilio Pérez Touriño, do Partido dos Socialistas de Galicia-PSOE (PSdeG-PSOE); Xosé Manuel Beiras Torrado, do Bloque Nacionalista Galego (BNG); e Anxo Guerreiro Carreiras, de Esquerda Unida-Izquierda Unida (EU-IU) exercen o dereito ao voto nos seus respectivos colexios electorais. Ademais outros dirixentes políticos acoden ás urnas nestes comicios como Mariano Rajoy Brey, ministro do Interior, que vota en Pontevedra; o senador do BNG, Anxo Quintana, que vota en Allariz e o alcalde da Coruña, Paco Vázquez, e a súa dona María do Carme de la Iglesia Illanes que votan nesta cidade.